Fl-aħħar 24 siegħa, reġgħu ġew irreġistrati disa’ każi ġodda ta’ Covid-19 f’pajjiżna.
Dan wara li lbieraħ kien imħabbar każ wieħed ġdid biss, u persuna waħda mfejqa.
Fl-aħħar sigħat kienu 4 il-persuna li fiequ mill-virus, biex issa l-każi attivi f’Malta huma 130.
Fl-aħħar sebat ijiem kienu rreġistrati total ta’ 63 każ ġdid.
Mhux magħruf l-etajiet jew il-kundizzjonijiet tal-persuni li rriżultaw pożittivi fl-aħħar 24 siegħa, peress li ċ-ċifri issa qed jiġu mħabbra mis-sit tas-saħħa mingħajr aktar dettalji. Lanqas ma għandna dettalji dwar jekk fost dawk infettati hemmx healthcare workers jew persuni vulnerabbli, u jekk kellhomx sintomi jew le.
