“Meta qaluli li kienet waqgħet waqgħet dar fil-Ħamrun, ftit tal-minuti wara li kont għadni kemm kellimt lil marti, qalbi għamlet tikk. Il-mara kienet ilha mbeżża taħseb li kien se jinqala’ xi ħaġa.
“Fis-6 ta’ Frar li għadda kienu bdew ix-xogħolijiet. Minn hemm ‘l quddiem marti spiċċat taħt ansjetà kbira u meta kienet tara xi ħaġa li ma togħoġobiex kienet tibgħatli r-ritratti waqt li jien kont inkun fuq il-post tax-xogħol”.
“Kif rajt id-dar tiegħi dak inhar tal-inċident għedt li miraklu jrid ikun biex marti toħroġ ħajja minn dan it-tifrik. Illum ninsab f’post ieħor, komdu forsi imma mhux id-dar tagħha u tlifna l-ferħ li kellna fil-familja u l-futur tagħna tħarbat u issa qed ngħixu ġurnata b’ġurnata”.
Dan ħareġ mix-xhieda fil-Qorti ta’ Carmel Pace ir-raġel tal-vittma Miriam Pace li fit-2 ta’ Marzu li għadda tilfet ħajjitha meta ntradmet taħt it-terrapien waqt li ġġarrfet id-dar tagħha. Ir-raġel tal-vittma qal li maru qatt ma kienet bi kwieta fejn bħal ġirien kienet ukoll ħasset mill-anqas żewġ theżżiżiet qabel ma seħħ l-inċident.
Quddiem il-Maġistrat Joe Mifsud kompliet il-kumpilazzjoni fil-konfront tal-Perit Anthony Mangion ta’ 72 sena mill-Gżira, il-Perit Roderick Camilleri ta’ 36 sena mir-Rabat, il-kuntrattur Ludvic Dimech ta’ 36 sena minn Ħaż-Żebbuġ u l-ħaddiem Nicholas Spiteri ta’ 42 sena mill-Imqabba.
Huma akkużati li b’nuqqas ta’ ħsieb u traskuraġni kkawżaw il-qtil ta’ Miriam Pace, li kkaġunaw ħsara fuq proprjetà privata. Wara li bstemgħu diversi xhieda l-istess Qorti ddikjarat hemm hemm provi biżżejjed biex l-akkużati jiproġġew taħt att ta’ akkuża.
Meta tela’ fuq il-pedana tax-xhieda biex jirrispondi għad-domandi tal-Avukat Joseph Giglio, l-Avukat tal-familjari tal-vittma Carmel Pace, li kien l-ewwel xhud kien emmozzjonati ħafna u u meta mistoqsi fuqu nniffsu u meta żżewweġ, kellu jieqaf għal ftit minuti minħabba li ma felaħx aktar u nfaqa jibki. Qal li r-residenza ilha propjetá tal-koppja minn bejn l-1985 u l-1986. Qal li żżewwġu fl-10 ta’ April tal-1988.
Tenna li saru jafu li kien se jsir żvilupp maġenbhom meta twaħħlu l-permessi mal-ħajt quddiem ġnien ħdejhom. Kienu wkol ilhom jtellgħu u jnniżlu li jitilqu minn dan il-lokal, t-tifla kienet iżżewwġet u t-tifel kien se jitlaq ukoll u riedu post iżgħar.
Meta kienu saru jafu li kien se jinbena ħdejhom ppruvaw ibiegħuh iżda ma kienx irnexxielhom. Il-mara dejjem kienet tkun imbeżża’ u kienet tiċċekkjja xi żvilupp kienu darba kienet qaltlu li kienu se jinbdew numru ta’ appartamenti.
Carmel Pace qal li fit-18 ta’ Frar 2020 kien seħħ l-ewwel inċident meta waqa’ ħajt diviżorju ta’ garaxx li jinsab warajhom. Kif wasal id-dar sar jaf dwaru u l-mara kienet imbeżża ferm fejn spjegatlu x’kien ġara.
Kienet saret ukoll laqgħa mal-iżviluppaturi minħabba x-xogħol li kien beda jsir. Preżenti minbarra hu u Miriam kien hemm ukoll xi ġirien u kienu staqsew lill-Perit Camilleri kienux se jżommu ż-żewġ piedi u nofs distanza u biex jużaw trencher flokk il-musmar. Iżda r-risposta tiegħu kienet li trencher jiswa ħafna flus u jġibuh biss jekk jingħataw permess minnhom li ma jsegwux id-distanza ta’ żewġ piedi u nofs.
Minkejja li kienu nsistew fuq il-liġi taż-żewġ piedi u nofs fl-appoġġ kienu qalulhom ukoll li din kienet liġi antika. Tenna li kien Mallia wieħed mid-developers, Roderick Camilleri u Ludvig Dimech, li huma kienu qalulhom biex jużaw is-sega, iżda dawn qalulhom li tiġihom għalja.
Ix-xhud qal li kien hemm inkwiet fuq id-damdid għax dan jagħmel il-ħsara. Tenna li l-iżviluppaturi kienu bdew iwaqqgħu l-ħajt tal-ġnien li jiġi mal-appoġġ tagħhom u newħħew il-ħamrija u l-gaffa bdiet tgħabbi l-ġebel għal fuq it-trakkijiet. Tenna li fit-18 ta’ Frar kien ukoll inġibed il-ħajt.
Carmel Pace qal li jiftakar ukoll li fis-27 ta’ Frar kif wasal mix-xogħol beda jisma’ damdid kbir ġej mill-ġnien u osserva frak tal-ġebel quddiem id-dar. Qal li kienu ilhom ġurnata sejrin, u kien mar jiċċejja kullimkien fid-dar. Biex jara kienx hemm hemm xi ħsara jew vojt.
Jiftakar li kien sab barrani jagħti mal-ħajt tal-ġnien fi Triq Abela Scholaro, fejn jiġi mal-appoġġ tagħhom. Dan beda jagħti b’saħħtu fuq il-bricks, u kien kellmu u waqaf mill-ewwel. Dan kien għall-ħabta tat-3.00pm u mhux fl-istess ġurnata ta’ meta kien inġibed il-ħajt.
Pace qal li martu kienet spiċċat tagħmel appuntament għand it-tabib minħabba l-ansjetà li kellha u wara għamlet appuntament anke għand speċjalista għax kellha biża’ kbira. Fuq ‘Whats Up kienet tibgħatlu ritratti tax-xogħol għaddej.
Qal li kien iċemplilha kuljum xis-2.00pm mix-xogħol biex jara għandhiex bżonn xi ħaġa – dak inhar kien ċempilla fis-2.10pm u kellimha għal ftit. Tenna li l-anqas kienu għaddew ħames minuti meta sema’ li kienet waqgħet dar fil-Ħamrun, f’Cannon Road, ċemplilha mill-ewwel u ma weġbitx u qalbu għamlet tikk u ħarab minn fuq ix-xogħol u mar id-dar.
Meta wasal u ra dik li dabra kienet id-dar tiegħu, issa ma kinitx għadha hemm u fil-ħin kien hemm il-Pulizija fuq il-post. Kien hemm ħafna nies u kienu marru wkol il-Prim Ministru u l-Kap tal-Oppożizzjoni.
Xehed ukoll wieħed mill-ġirien John Sammut li kienu ilu hemm għal madwar 30 sena sena. Qal li Alla ħabbu għax kien qiegħed hemm. Ħasel il-ħwejjeġ u kiel u wara bħas-soltu l-isports fuq it-televixi. Tenna li għall-ħabta tas-2.30 pm. Ħass qiesu terrimot u ra daħna kbira u beda jgħajjat iġru għax qed jaqgħu l-postijiet. Tenna li nfaqa’ jibki kif ra l-post ta’ Miriam jaqa’.
Tenna li dak inhar tal-inċident kien sema’ għall-ewwel darba l-musmar jaħdem. Kienu xi l-10.00 am. Dan jagħmel nofs siegħa jaħdem u jieqaf għal ftit. Qal li hemmkellu wkoll garaxx. Tenna li d-dar tiegħu spiċċat kollha konsenuri, l-aktar fil-kamra tas-sodda, l-kċina, u anke fuq il-bejt u fil-bitħa interna.
Xehdet ukoll Rosette Zerafa, li kienet toqgħod wara d-dar tal-vittma. Hija bdiet twieġeb għall-mistoqsijiet tal-Avukat Stefano Filetti. Qalet li d-dar tagħha u ta’ Pace huma fl-ewwel sular u jmissu ma’ xulxin mill-btieħi.
Tenniet li xi għaxar qabel l-inċident kienet tkellmet mal-vittma u li din bdiet tibża. Hija qalet li kienet ukoll ħasset xi theżżiż. Zerafa qalet li meta hi u Miriam esprimew l-inkwiet u l-biża’ tagħhom dwar il-kostruzzjoni, il-ħaddiema qalulhom li huma ma jaħdmux bħal ħaddieħor. Qalet li qalulhom li mhux se jiġrilhom bħalma ġralu ħaddieħor, iżda “fil-fatt hekk ġara”.
Hija kkonfermat ukoll li l-iżviluppaturi ma ridu jaħdmu bit-trencher minħabba l-ispejjeż. Dakinhar tat-traġedja, fit-2 ta’ Marzu li għadda, Zerafa qalet li kienet waslet id-dar mix-xogħol għall-ħabta tas-1.30pm.
Bdiet iċċempel lil bintha li kienet qed tistudja barra minn Malta, u waqt it-telefonata, qalet lil bintha tieqaf titkellem għax semgħet ħoss kbir imma ma kinitx taf x’qed jiġri. Kien inqata’ wkoll il-wi-fi u hemm rat qiesha ‘waterfall’. Bid-dar ta’ Miriam taqa’. Kienet qed tħossha se tiġġenen u ċemplet lil Miriam xi 10 darbiet iżda mingħajr suċċess.
Qalet li kienet ġibdet xi ritratti wkoll u li f’wieġed gaffa kiene tider post u fl-ieħor din kienet ġiet imċaqalqa. Qalet li hija għamlet dan għax Wara li ġara l-inċident u bdew jinġabru n-nies fil-madwar, semgħet lil xi ħadd jgħid li se jċaqalqu l-makkinarju.
Fl-aħħar xehed Carmelo Pace (mhux ir-raġel tal-vittma). Dan qal li huwa sid il-garaxx taħt il-propjetà tal-familja Pace. Huwa ma ntebaħx li d-dar li ġġarrfet kienet dik ta’ fuq il-garaxx tiegħu.
Tilef il-karozzi kollha li kienu ġewwa, sitta b’kollox, li ħamsa minnhom kienu tiegħu. Tenna li sa issa għadu ma ħa xejn minn naħa tal-assikurazzjoni.
L-Ispettur Robert Vella, wieħed mill-kandidati għall-post ta’ Kummissarju tal-Pulizija flimkien mal-Ispettur Matthew Galea mexxew u għadjom qegħdin imexxu l-investigazzjonijiet dwar il-każ. Il-kumpilazzjoni mistennija tkompli fit-2 ta’ Lulju li ġej.
