Sid ta’ post li nkera f’San Ġiljan lil persuna ta’ nazzjonalità Ngliża ġiet ordnata li tħallas depożitu lura lilu wara li t-Tribunal għat-Talbiet iż-Żgħar qal li ma sabx provi li saret xi ħsara fl-imsemmi appartament.
Il-każ spiċċa fit-Tribunal bin-nuqqas ta’ qbil ikun bejn Yvonne Azzopardi, sid il-post u John O’Keefe, liema każ instema’ u ġie ġudikat mill-Avukat Claudio Żammit.
Mill-provi rriżulta li O’Keefe kera appartamet mingħand Azzopardi u dan ħallasha s-somma ta’ €700 bħala depożitu biex jagħmlu tajjeb għal ħsarat li jistgħu jsiru fir-residenza. Mill-ewwel deher li kien se jkun hemm xi problemi bejn it-tnejn u għalhekk it-tnejn ftehmu li jintemm il-ftehim tal-kiri.
Filwaqt li sid il-kera riedet iżomm id-depożitu minħabba ħsarat li skont hi saru fil-post il-klijent ma’ qabilx dwar dan u ma ried irodd lura xejn. Ħareġ li l-krija kienet tal-appartament f’San Ġiljan kienet saret mill-31 ta ‘Jannar 2018 sat-30 ta ‘Jannar 2019, iż-żewġ ġranet inklużi.
John O’Keefe iddeċieda li jħalli l-appartament u telaq fil-31 ta ‘Ottubru 2018 u skond Azzopardi dan wassal għat-telf ta’ tliet xhur kera. Hija qalet ukoll li l-post ma kienx ikun nadif u kienet ikkummentat dwar dan u li hu iddeċieda li jitlaq minħabba f’hekk. Wara iżda skont Yvonne Azzopardi huwa kien telaq għal raġunijiet oħra.
O’Keefe kien jilmenta wkoll li l-magna tal-ħasil ma kinitx taħdem sew, b’sid il-kera tgħid li hija talbet parir tekniku dwar dan u saret taf li din kienet qed tkun mgħobbija żżejjed.
Hija qalet ukoll li huwa kien kisser xi madum tal-art fil-kċina u li minħabba f’hekk kellha tibdel l-art kollha tal-kċina u dan minħabba li ma sabitx madum li jaqbel. Dwar dan hija rreferiet għal stima ta’ l-ispiża, li kienet preżentata.
Hija kienet issuġġeriet li jiltaqgħu qabel ma huwa jħallis l-post u li jsir inverntarju fuq l-affarijiet li kien hemm fl-appartament. Dwar dan John O’Keefe qalilha li ma kellux ħin u huwa ħalla ċ-ċwievet fl-appartament u telaq.
Qalet li meta marret fil-post dan xejn ma kien nadif u kellha tħallas għat-tindif tiegħu u kellha tibdel il- l-kuxxini u l-covers tas-siġġijiet. Sabet ukoll ħsara fuq il-wiċċ ta’ l-iskrivanija u blind vertikali. Hija qalet li l-ammont ta’ €700 f’depożitu ma jkoprix l-ispejjeż kollha meħtieġa biex jirrimedjaw dawn in-nuqqasijiet.
Fis-sentenza tiegħu t-Tribunal qal li mill-provi prodotti ma ġie ppreżentat l-ebda kuntratt ta’ kera minn xi parti u ma kien hemm l-ebda kontestazzjoni li d-depożitu mħallas kien ta ’seba’ mitt Ewro €700.
Sid il-kera ddikjarat li l-ispejjeż li hija teħtieġ biex jagħmlu tajjeb jammontaw għal aktar minn din is-somma mħallsa bħala depożitu u għalhekk qed titlob li hi ma għandhiex tirrifondi tali depożitu, l-aktar minħabba li l-klijent ħalla l-post mhux nadif, kif wkoll għax sabet miksura il-magna tal-ħasil, xi madum fl-art tal-kċina, ħsara f’siġġu, kuxxin, wiċċ l-iskrivanija u persjani vertikali.
Qalet ukolll ħallset ukoll għal jumejn ta’ tindif. Madankollu t-Tribunal qal li huwa innota li Farrugia pprovdiet biss stima ta’ l-ispejjeż relatati ħsara li saret fl-art tal-kċina. Hi ssostni li għandha bżonn tibdilha u dan jinvolvi wkoll l-użu ta’ apparat u xogħol tal-plumbing u s-servizzi kollha relatati magħhom.
It-Tribunal qal li madankollu mhuwiex sodisfatt bl-istima tal-ispejjeż mogħtija. Dan peress li hija ma pprovdiet l-ebda ritratt ta ‘ l-art tal-kċina qabel ix-xogħlijiet li saru u wara dawn ix-xogħlijiet tlestew.
Lanqas ma pprovdiet kopji tal-irċevuti għall-ħlasijiet tal-materjal u ix-xogħlijiet imwettqa. Hija pprovdiet ir-ritratti ta’ nuqqasijiet oħra, bħalma huma l-qsari u l-borom maħmuġin, u setgħu faċilment ippreżentaw ritratti tal-kċina fejn bil-madum tal-kċina allegat imkisser.
Fir-rigward tal-oġġetti l-oħra li ġew imkissra, hija stess kellha tipprovdi biżżejjed provi li kien tabilħaqq O’Keefe li ħallahom f’dak l-istat. Farrugia ma pprovdietx inventarju ffirmat qabel il-bidu tal-kiri.
R
igward l-istat tal-kċina kif muri fir-ritratti, filwaqt li huwa veru li jekk O’Keefe ħalla l-kċina f’dak l-istat huwa kien missu kien aktar attent li jħalli l-post pulit, pero għandu jingħad ukoll li dan ma jikkostitwixxix ħsara.
Lanqas ma ġiet ppreżenta xi prova li sid il-kera għamlet xi spejjeż, u li hi ma semmietx ammonti speċifiċi, ħlief għall-estimi fir-rigward tal-paviment tal-kċina, u li hi ma ppreżentat l-ebda riċevuta.
Għaldaqstant, qal it-Tribunal, Yvonne Azzopardi m’għandha l-ebda raġuni skont il-liġi li żżomm id-depożitu, minħabba li hi ma ma hemm xejn juri li hija sofriet xi danni.
