Wara l-aħħar Laqgħa tal-Kunsill tal-MFA t-Tnejn li għadda fejn ittieħdu diversi deċiżjonijiet, illum il-President tal-MFA Bjorn Vassallo se jitkellem fil-pubbliku għall-ewwel darba. Il-konferenza stampa se tixxandar fis-7.00pm fuq l-istazzjon nazzjonali.
Fost id-deċiżjonijiet li ttieħdu t-Tnejn li għadda, ġie deċiż li t-timijiet li spiċċaw fl-ewwel post fil-kampjonati organizzati mill-MFA, jiġu ddikjarati rebbieħa tal-kampjonati. Ġie deċiż ukoll li t-timijiet relegati matematikament se jibqgħu fid-diviżjoni tagħhom, b’referenza għal Tarxien Rainbows li se jibqgħu fil-Kampjonat Premier li mill-istaġun li ġej se jkun għall-ewwel darba b’16-il tim. Dan minbarra li ma kienx hemm relegazzjonijiet filwaqt li ġew approvati fosthom il-promozzjonijiet mill-Ewwel u t-Tieni Diviżjoni.
