Neville Gafà, li fl-aħħar snin kien il-mibgħut speċjali tal-Gvern Malti fil-Libja, qal li l-kmandant militari Libja Khalifa Haftar kien ipprova jaħtfu waqt żjara li hu kellu fil-pajjiż tal-Afrika ta’ Fuq.
Ilbieraħ is-sit TVM irrapporta dan l-inċident seħħ lura fl-2018, meta Gafà kien qed jagħmel laqgħat fi Tripli mal-Gvern tal-Għaqda Nazzjonali, il-gvern Libjan rikonoxxut min-NU li Haftar qed jagħmel gwerra kontrih.
Wara li sar jaf b’dan il-pjan biex jinħataf Gafà u nnota uffiċjali tas-sigurtà leali għal Haftar fi Tripli, id-deputat Prim Ministru Libjan Ahmed Maiteeq allegatament ta struzzjonijiet lill-Forzi Speċjali ta’ Deterġenza RADA biex jgħinuh jirritorna Malta mit-Tuneżija.
Ikkuntattjat mis-sit Lovin Malta, Gafà kkonferma li seħħ inċident bħal dan iżda rrifjuta li jelabora minħabba raġunijiet ta’ sigurtà.
Gafà kien il-mibgħut speċjali fil-Libja mill-eks-Prim Ministru Joseph Muscat, iżda n-natura tar-rwol tiegħu baqgħet sigriet għal bosta snin.
Iktar kmieni din is-sena, huwa qal fil-qorti li x-xogħol tiegħu fil-Libja għen biex jipprevjeni eluf ta’ immigranti irregolari milli jilħqu x-xtut ta’ Malta.
Riċentement, il-Prim Ministru Robert Abela kkonferma li l-gvern talab lil Gafà biex jilħaq il-kuntatti Libjani tiegħu biex jgħin jirritorna grupp ta’ immigranti mill-ibħra Maltin lura lejn il-pajjiż tal-Afrika ta’ Fuq.
