Stqarrija tal-Ministeru tas-Saħħa li ħarġet ftit tal-ħin ilu kkonfermat li pajjiżna għandha d-disa’ vittma tal-Covid-19. Dan wara li aktar kmieni mal-ġurnata ġie kkonfermat it-tmien vittma. Aqra aktar hawn.
L-aħħar vittma tal-Covid huwa raġel ta’ 68 sena. Hu kien qed jingħata l-kura fl-isptar Mater Dei meta rriżulta pożittiv.
Skont l-istqarrija tal-Ministeru, ir-raġel kellu diversi kundizzjonijiet kroniċi.
Il-Ministeru għas-Saħħa ta l-kondoljanzi lill-familjari tar-raġel u mill-ġdid appella biex il-poplu jsegwi l-appelli tad-Dipartiment tas-Saħħa.
Hekk biss, temmet tgħid l-istqarrija tal-Ministeru, nistgħu nipproteġġu lill-aktar vulnerabbli fis-soċjetà tagħna.
//= $special ?>