Ħadd ma weġġa’ wara li nirien ħakmu residenza fil-Ħamrun. L-inċident seħħ fi Triq Patri Magri, għall-ħabta tas-6:30am.
Kelliem għad-Depot qal li kemm il-Pulizija tad-Distrett tal-Ħamrun kif ukoll membri mid-Dipartiment tal-Protezzjoni Ċivili marru fil-post sabiex jikkontrollaw is-sitwazzjoni.
Issejħet ukoll ambulanza minħabba li xi persuni kienu qed isofru minn xokk.
Sa issa għadu mhux magħruf x’ikkawża dawn in-nirien.
