“Insult kbir għax-xogħol kollu li għamlu l-ispiżjara”.
Din kienet ir-reazzjoni tal-Kamra tal-Ispiżjara ta’ Malta, fejn ingħaqdet mal-maġġoranza tal-pubbliku, unions, esperti u opinjonisti, għad-dikjarazzjonijiet li saru mill-Prim Ministru Robert Abela il-Ħadd filgħodu.
Il-Kamra sostniet li matul dawn l-aħħar xhur l-ispiżjara ssugraw ħajjithom u s-saħħa tal-qraba tagħhom bil-għan li jagħtu s-servizz tagħhom u jiġu osservati l-Avviżi Legali maħruġa mis-Supretendenza tas-Saħħa Pubblika.
Il-Kamra saħqet li tħoss ukoll li din id-dikjarazzjoni hija ta’ insult lejn il-maġġoranza tal-Poplu Malti u Għawdxi li matul dan il-perjodu kien dixxiplinat u osserva il-liġijiet kollha.
Il-Kamra ħadet l-okkazzjoni sabiex tesprimi is-solidarjetà mal-Malta Police Association u l-membri tagħha u l-frontliners kollha għax-xogħol siewi u tas-sagrifiċċji tagħhom li jagħmlu għall-ġid tal poplu.
