L-istess Membru Parlamentari ilu ma jattendi għall-parlament minn Marzu
L-eks Ministru Konrad Mizzi għadu qed jitħallas bħala membru parlamentari minkejja li ilu assenti mill-parlament sa minn Marzu. Huwa qed jiġġustifika n-nuqqas tiegħu minħabba “raġunijiet mediċi”.
Bħalissa, ħadd ma jaf fejn jinsab eżatt Konrad Mizzi.
L-ispeaker qal illi l-uffiċċju tiegħu joqgħod fuq l-evidenza medika li tkun ippreżentata u żied li f’każ ta’ assenza twila jintalab aġġornament taċ-ċertifkat mediku.
Il-Kap tal-Partit Nazzjonalista Adrian Delia stqarr li issa Konrad Mizzi m’għandu l-ebda skuża biex jibqa’ barra minn xtutna, ladarba jerġgħu jibdew it-titjiriet mir-Renju Unit.
