Kienu ħafna dawk li fuq Facebook ingħaqdu biex juru l-appoġġ lejn il-kontestanta għall-kompetizzjoni Miss World Malta 2020, Martha Attard, wara li kienet fil-mira ta’ kummenti razzisti fuq il-media soċjali.
Attard hija waħda mill-25 kontestant li qed jikkompetu għat-titlu ta’ Miss World Malta ta’ din is-sena, li tnediet lura f’Jannar.
L-appoġġ lejn Attard beda wara kumment li qal li t-tfajla m’għandhiex tirrapreżenta lil Malta peress li mhix ta’ “razza Maltija”.
Ħafna kienu partikolarment imħassba bid-deċiżjoni ta’ dan il-kumment li fih kien hemm il-kelma “razza” f’attentat biex tenfasizza n-natura barranija tagħha, b’kumment ieħor jgħid, “L-unika” razza Maltija “hija l-kelb”.
Dan l-abbuż razzist qed ikun ikkundannat minn ħafna.
Dan filwaqt li Martha permezz ta’ post fuq Facebbok saħqet li temmen li flimkien nistgħu neliminaw ir-razziżm. Martha saħqet li hi Maltija u li onorata li se tipparteċipa fil-kompetizzjoni Miss World Malta biex tirrapreżenta l-pajjiż.
//= $special ?>