Il-Prim Awla tal-Qorti Ċivili fil-ġurisdizzjoni tagħha bħala Qorti Kostituzzjonali ddikjarat li eks pulizija sofra minn ksur tad-drittijiet fundamentali tiegħu u ġie ordnat li jingħata kumpens ta’ €5,000 wara li d-dewmien eċċessiv biex ġie konkluż każ li kellu l-Qorti spiċċa biex poġġih f’diffuktajiet kbar.
Paul Sammut kien ġie lliberat minn akkużi ta’ serq fi proċeduri tal-qorti li damu jkaxkru għal kważi 24 sena, u kien għalhekk li huwa ppreżenta kawża kostituzzjonali, billi argumenta li d-dewmien eċċessiv wassal biex spiċċa fi problemi kbar fosthom li ż-żwieġ tiegħu jitfarrak.
L-ex kuntistabbli tal-pulizija Paul Sammut, spiċċa biex fetaħ kostituzzjonali kontra l-Avukat Ġenerali. Huwa qal li fl-4 ta’ Mejju, 1991 kellu jiffaċċja akkużi relatati ma’ serq.
F’Ġunju tal-1991, il-każ instema ‘quddiem il-Qorti tal-Maġistrati bħala Qorti ta’ Inkjesta Kriminali u, f’Lulju 1992, Sammut aċċetta li l-każ tiegħu jinstema’ mill-Qorti tal-Maġistrati bħala Qorti tal-Ġudikatura Kriminali.
Is-seduti baqgħu jiġu differiti b’mod kontinwu, jew għax il-qorti kienet għadha ma ddeċidietx fuq id-digriet jew għax il-qorti sempliċement ordnat differiment mingħajr ma tagħti l-ebda raġuni
F’April 1995, il-prosekuzzjoni ressqet talba biex tħarrek ix-xhieda, minkejja li kienet ikkonkludiet li tippreżenta l-provi tagħha f’Mejju 1992. Is-sentenza ġiet differita sakemm issir din it-talba.
Minn dak in-nhar, is-seduti sussegwenti baqgħu jiġu differiti, jew għax il-qorti kienet għadha ma ddeċidietx fuq id-digriet jew għaliex il-qorti sempliċement ordnat differiment mingħajr ma tagħti l-ebda raġuni.
Sadanittant, Maġistrat ieħor ħa f’idejh il-partijiet kollha biex jitolbu li jitħallew iressqu sottomissjonijiet qabel ma tingħata s-sentenza. Is-sentenza finalment ingħatat fid-29 ta’ Frar, 2014 – eżattament 23 sena, disa’ xhur u jumejn wara li tressqet l-ewwel akkuża. Huwa ġie liberat mill-akkużi kollha.
F’applikazzjoni ffirmata mill-Avukati Michael Sciriha u Evelyn Borg Costanzi, l-avukati argumentaw li tali dewmien eċċessiv ma kienx ġustifikabbli, speċjalment fid-dawl tal-fatt li l-vittma kienet innoċenti.
Sammut sofra numru ta ’konsegwenzi – tilef l-impjieg tiegħu u ma setax isib xogħol minħabba l-każ pendenti fil-qorti. Dan wassal għal diffikultajiet finanzjarji, li għamluh mhux kapaċi jipprovdi għal martu u ż-żewġt itfal. Iż-żwieġ tiegħu fl-aħħar ċeda, u martu telqitu.
Għaldaqstan huwa kien talab lill-qorti biex tiddikjara li nkiser id-dritt tiegħu għal proċess ġust u qed jitlob kawża għad-danni, liema talba ġiet milqugħa.
Madankollu ma ġietx milqugħa t-talba tiegħu għal danni wara li qal li huwa kien tkeċċa mill-Korp tal-Pulizija fis-sena 2000 minħabba proċeduri kriminali pendenti.
Madankollu mill-provi rriżulta li huwa kien tkeċċa għal raġunijiet ta’ interess pubbliku, wara li l-Pulizija kienet irċiviet diversi lmenti dwari mingħand persuni li kien issellef il-flus mingħandhom fuq l-idejn u baqa’ qatt ma ħallashom lura.
Meta kienet seħħet is-serqa li dwarha kienu ttieħdu proċeduri kontrih, Sammut kien għadu Health Assistent,u kien biss f’Diċembru tal-1989 li kien ġie ngaġġat bħala kuntistabbli.
Minn dak inhar li kien daħal fil-Korp u sal-aħħar ġurnata tiegħu, huwa kien tħallas is-salarju sħiħ, mingħajr ebda tnaqqis. Għaldaqstant fuq dan il-punt huwa ma sofra l-ebda danni.
