Maltija magħżula mill-Gvern ta' New Zealand biex toffri konsulenza lil tfajliet żvantaġġjati fis-soċjetà li jaspiraw li jagħżlu l-professjoni legali bħala karriera
Martina Caruana ntgħażlet mill-Gvern ta’ New Zealand biex tkun waħda minn 5 avukati f’programm li joffri konsulenza lil tfajliet żvatanġġjati fis-soċjetà li jaspiraw li jagħżlu l-professjoni legali bħala karriera.
L-avukat ħabbret dan fuq il-profil tagħha fuq Facebook fejn saħħqet kif kienet avviċinata mill-Ministeru tal-Edukazzjoni tal-pajjiż u mill-Kap Eżekuttiv ta’ GirlBoss NZ, Alexia Hilbertidou.
Caruana qalet li hija onorata li se tkun qed toffri l-għajnuna tagħha lil 600 tfajla, ħafna minnhom mill-Māori u l-Pasifika li qajla jagħżlu l-professjoni legali bħala l-karriera tagħhom, sabiex b’hekk tinkiseb il-bidla tant meħtieġa fil-pajjiż.
