Raġel ta’ 31 sena mill-Latvja, qed jingħata l-kura fl-Isptar Mater Dei wara li sofra ġrieħi gravi waqt li kien qed isuq ir-rota.
Ilbieraħ, għall-ħabta tat-20.30, il-Pulizija ġew infurmati li kien hemm bżonn l-assistenza fi Triq Bieb ir-Ruwa, ir-Rabat, minħabba li kien hemm inċident u hemm nies li sofrew xi ġrieħi.
Il-Pulizija tad-Distrett marru mill-ewwel fuq il-post u hemm instab ċiklist fl-art b’numru ta’ ġrieħi u kien qiegħed jingħata l-assistenza minn xi persuni li nzertaw fl-inħawi.
Minn investigazzjonijiet preliminari li saru rriżulta li ċiklist – ir-raġel ta’ 31 sena – tilef ilkontroll u kellu impatt ma’ ħajt ta’ sejjieħ.
Il-vittma ngħata l-ewwel għajnuna minn tim mediku u ambulanza ħaditu l-Isptar Mater Dei għall-kura meħtieġa. Iktar tard, hu ġie ċċertifikat li qed isofri minn ġrieħi gravi.
L-investigazzjonijiet tal-Pulizija tad-Distrett dwar dan il-każ għadhom għaddejjin.
