Il-Qorti tal-Appell Kriminali qalbet kundanna ta’ raġel talli kiser ordni ta’ protezzjoni wara li nnotat li l-fotokopji esebiti tal-ordni ta’ protezzjoni ma kinux awtentikati u ma setgħux jiġu aċċettati bħala evidenza.
Samir Lotfi Fahim Tawdrous ġie lliberat minn każ li f’Settembru tal-2016 ta’ fastidju u theddid fil-konfront ta’ mara u li għamel użu ħażin minn tagħmir tat-telekomunikazzjoni. Il-qorti kienet sabitu wkoll ħati li kiser ordni ta’ protezzjoni li diġà nħarġet favur il-mara inkwistjoni u ordnatlu jċedi garanzija personali ta’ €1,000.
Tawdrous kien ressaq l-appell permezz tal-avukat tiegħu Jason Grima fejn argumenta li peress li kien instab mhux ħati tal-akkużi ta’ fastidju, ma setax imbagħad jinstab ħati li kiser l-ordni ta’ protezzjoni.
Huwa sostna li kull ma għamel kien li jibgħat SMS’s vojta lill-mara. Kien għalhekk li l-ewwel Qorti kienet ċaħdet l-akkużi ta’ theddid u fastidju, spjega l-avukat.
Il-Qorti tal-Appell, ippreseduta mill-Imħallef Giovanni Grixti, iddeċidiet li l-Qorti tal-ewwel istanza kienet naqset milli tagħti l-piena stipulata fil-liġi, iżda minflok għażlet li jħallasha l-garanzija.
Imma peress li l-liġi ma tagħtix espressament din il-fakultà, dan kien ifisser li formalità essenzjali ta’ kull sentenza kriminali – kastig – ma kinitx segwita.
“Fl-opinjoni ta’ din il-Qorti, il-Qorti fl-ewwel istanza naqset milli ssegwi formalità essenzjali għall-validità tas-sentenza – in-nuqqas ta’ għoti ta’ piena wara s-sejba ta’ ħtija u darba mhux espressament sakemm tista’ tapplika sanzjoni oħra minflokha.
Għal din ir-raġuni, is-sentenza appellata qed tiġi ddikjarata nulla u mingħajr effett.” L-imħallef imbagħad ipproċeda biex jiddeċiedi l-każ hu stess, kif previst mill-Kodiċi Kriminali.
Huwa nnota li l-każ kien iċċentrat madwar tliet messaġġi vojta mibgħuta mill-appellant lill-mara waqt li huwa kien marbut li ma jikkomunikax magħha.
Il-każ bejniethom kien fuq vjolenza domestika u swat, osservat il-Qorti, li kkundannat bil-qawwa kollha li wieħed jibgħat messaġġi vojta bħala “komunikazzjoni kodarda maħsuba biex tittormenta u ddejaq,” li tista’ twassal għal biża’ min-naħa tal- vittma.
Iżda l-Qorti nnotat ukoll li kienet ingħatat biss fotokopja mhux awtentikata tal-ordni ta’ protezzjoni. Waqt li kkwota ġurisprudenza li kienet stabbiliet li fotokopji ma kinux ġew awtentikati ma setgħetx tittieħed bħala prova, il-Qorti ddeċidiet li r-raġel kien korrett meta kkontesta l-eżistenza tal-ordni ta” protezzjoni. Għal din ir-raġuni, il-Qorti kkonfermat l-innoċenza tar-raġel, mhux biss fuq il-ksur tal-ordni ta’ protezzjoni, iżda fuq kollox.
