Raġel inżamm arrestat wara li wieġeb li mhux ħati għal akkużi li aggredixxa sesswalment żewġ tfajliet f’żewġ inċidenti separati matul il-jum fil-Furjana.
Il-każi seħħew it-Tnejn qabel ma l-Pulizija qabdet lil Mohamed Ibrahim Mohamed, ta’ 31 sena, allegatament jimmolesta lit-tieni tifla, ta’ 13-il sena. Jidher li l-Pulizija kienu notifikati bl-aġir tar-raġel minn persuni li nnutaw x’kien qed jagħmel. L-ewwel allegata vittma għandha 11-il sena.
Fil-Qorti, l-Ispetturi John Spiteri u Jeffrey Scicluna, li qed imexxu l-Prosekuzzjoni, spjegaw lill-Maġistrat Natasha Galea Sciberras li l-Pulizija tad-Distrett irċievew rapport li t-tfajla ta’ 11-il sena kienet qed tiġi ttantata minn raġel.
Allegatament, it-tfajla kienet miexja lejn dar nannitha meta r-raġel ħatafha minn wara. Min-naħa l-oħra, waqt li allegatament kien qed jattakka lit-tfajla ta’ 13-il sena, hu nqabad fil-fatt.
Mistoqsi mill-Qorti, ir-raġel wieġeb li mhux ħati. Madankollu, ma saret l-ebda talba għall-ħelsien mill-arrest, anke minħabba li m’għandux residenza fissa. Il-Qorti żammet lir-raġel arrestat, filwaqt li ordnat li isem it-tfajliet ma jkunux ippubblikati.
L-Avukat Raisa Colombo qed tidher bħala Avkat tal-Għajnuna Legali għall-akkużat.
//= $special ?>