Il-FIFA ħabbret li se jintlagħbu erba’ logħbiet kuljum waqt il-fażi tal-gruppi tat-Tazza tad-Dinja tal-2022. Il-logħbiet tal-gruppi se jintlagħbu fuq perjodu ta’ 12-il ġurnata, bil-logħbiet mhux se jitħabbru f’liema stadiums se jintlagħbu sakemm issir il-polza finali f’Marzu tal-2022.
L-ewwel żewġ rawnds ta’ logħbiet se jintlagħbu fis-1.00pm, fl-4.00pm, fis-7.00pm u fl-10.00pm ħin tal-Qatar (jiġifieri f’nofsinhar, fit-3.00pm, fis-6.00pm u fid-9.00pm ħin ta’ Malta). L-istadiums se jkunu b’distanza ta’ 40 mil minn xulxin u b’hekk jista’ jkun possibbli biex il-partitarji jattendu żewġ logħbiet f’ġurnata.
Il-logħbiet fl-aħħar ġurnata tal-gruppi u l-logħbiet tan-knock-out se jkun fis-6.00pm u fl-10.00pm ħin tal-Qatar (fil-5.00pm u fid-9.00pm ħin ta’ Malta). F’kull okkażjoni barra tliet logħbiet, se jkun hemm perjodu ta’ tlett ijiem mistrieħ.
L-ewwel logħba tat-Tazza tad-Dinja se tintlagħab fil-21 ta’ Novembru f’Al Bayt Stadium f’Al Khor u se tinvolvi lil Qatar. Il-finali hi skedata għat-18 ta’ Diċembru fil-5.00pm ħin ta’ Malta u se tintlagħab f’Lusail Stadium fil-kapitali Doha.
