Wara madwar erba’ xhur ta’ waqfien, illum fil-Pixxina Nazzjonali jirritorna l-waterpolo b’mod kompetittiv bit-tkomplija tal-Enemed Cup. Din it-tielet edizzjoni kienet waslet fl-aħħar fażi tagħha u tintemm matul din il-ġimgħa, biex it-Tlieta li ġej jibda l-Kampjonat tas-Sajf.
F’din l-edizzjoni tal-Enemed Cup kienu qed jilagħbu sitt timijiet u sakemm waqfet il-kompetizzjoni, kull tim kien lagħab erba’ logħbiet. San Ġiljan kienu jinsabu fil-quċċata bi 12-il punt, segwiti minn Exiles b’9 punti, Sirens u Sliema b’6 punti, Neptunes bi 3 punti u Marsaskala mingħajr punt.
Wara l-logħbiet tal-ħames ġurnata, jintlagħbu s-semifinali tal-play-offs, bl-ewwel tim ikklassifikat jilgħab kontra min spiċċa r-raba’ filwaqt li t-timijiet li jtemmu l-ewwel fażi t-tieni u t-tielet jilagħbu kontra xulxin. Ir-rebbieħa tas-semifinali jikkontestaw il-finali għar-rebħ tal-Enemed Cup.
Enemed Cup
Illum: Il-ħames ġurnata: Sliema v Marsaskala 5.30pm, Sirens v Exiles 6.45pm, Neptunes v San Ġiljan 8.00pm
Il-Ġimgħa: Semifinali Play-offs: 1 v 4 6.15pm, 2 v 3 7.30pm
Il-Ħadd: 3/4 post 6.00pm, Finali 7.15pm
