Għargħar kbir fl-eqqel tas-Sajf huwa fenominu "mhux rari" f'dan ir-reġjun
Il-maltemp li laqat il-gżira ta’ Sqallija fl-aħħar sigħat ikkawża ħsarat devastanti kif ukoll imwiet.
Rapporti fil-media Taljana qed jindikaw li żewġ persuni tilfu ħajjithom meta inqabdu bil-karozza tagħhom f’mina. Jirriżulta li huma mietu mgħarrqa. Hemm ukoll rapporti varji dwar żewġ minorenni li spiċċaw l-isptar bil-kundizzjoni tal-hypothermia.
Is-Sindku ta’ Palermo qed jgħid li f’sagħtejn niżel l-istess ammont ta’ xita daqs kemm jiżel f’sena sħiħa.
Net News hu infurmat li dan il-maltemp mhux mistenni jibqa’ riesaq lejn il-gżejjer Maltin.
