Ftit jiem ilu saret il-Laqgħa Ġenerali Annwali ta’ Liverpool Supporters Club Malta. Din is-sena hi waħda speċjali għal dan il-klabb hekk kif qed jiċċelebra l-25 sena anniversarju fl-istaġun li Liverpool saru champions tal-Ingilterra għall-ewwel darba wara 30 sena.
Il-kumitat hu ffurmat miċ-chairman Clifton Cassar, il-Viċi President Steve Sciberras, is-Segretarju James Vella u t-Teżorier Mario Farrugia. Jason Mallia hu responsabbli mir-Relazzjonijiet Pubbliċi, Raymond Romano hu l-Kordinatur tal-Biljetti tal-Logħba, Kevin Degiorgio hu l-Kordinatur tal-Attivitajiet Soċjali, il-Manager tal-Klabb hu Charlie Cassar u Manuel Cini hu l-Kordinatur tal-Membri.
Fl-okkażjoni tal-anniversarju importanti, il-klabb għandu diversi attivitajiet ippjanati, b’uħud minnhom saru fl-ewwel parti tal-istaġun qabel l-imxija tal-Covid-19. Fl-okkażjoni tar-rebħ tal-kampjonat, Liverpool Supporters Club Malta se jorganizzaw kunċert fl-4 ta’ Awwissu, bil-mistieden speċjali se jkun Jamie Webster, kantant popolari ferm mal-partitarji tar-Reds. Il-kunċert se jkun fil-limiti tar-Rabat, b’dawk interessati jistgħu jagħmlu kuntatt fuq 995555563 jew 79473324 biex jiksbu l-biljetti.
