Wara li l-Ġimgħa li għadda Leeds ġew promossi u s-Sibt tħabbar li se jkunu promossi fil-Premier League bħala champions taċ-Championship, Leeds United Supporters Club Malta qed jippjanaw ċelebrazzjoni waqt l-aħħar logħba tal-kampjonat l-Erbgħa kontra Charlton.
Għal din il-logħba, it-tmexxija tas-Supporters Club se jkunu qed iżejnu għall-okkażjoni l-klabb tagħhom li jinsab il-Fanal Restaurant f’Marsaskala. Wara l-logħba mistenni li jsir festin b’diski ta’ Leeds United li se jindaqqu matul is-serata. Iċ-ċelebrazzjonijiet ikomplu l-Ħamis 30 ta’ Lulju b’attività fin-Nadur Boċċi Club.
