Aħbar tajba għas-sajjieda Maltin hekk kif il-Kummissjoni Ewropea approvat skema ta’ €720,000 biex jgħin il-qasam tat-tonn.
L-għajnuna lis-sajjieda se tkun ikkalkulata skont il-kwota li ingħatat mid-Dipartiment tas-Sajd u l-Akwakultura. Is-sajjieda jistgħu jingħataw massimu ta’ €120,000.
Dawn il-fondi ġew approvati bħala parti minn għajuna finanzjarja maħsuba biex jgħin lill-pajjiżi isostnu l-industriji li ħadu daqqa mill-pandemija tal-Coronavirus.
Il-Kummissjoni Ewropea ddeskriviet din il-miżura bħala waħda bżonnjuża biex jittaffew il-problemi ekonomiċi li nħolqu fil-membri stati.
