Stewart Said
Il-Fażi Preliminari tal-Kampjonat tas-Sajf fetħet b’żewġ logħbiet bla storja hekk kif mistenni Sliema Frank Salt u Neptunes kisbu rebħiet kbar kontra timijiet li mistennija jkunu fl-Ewwel Diviżjoni. Wara kollox wieħed jistenna dawn ir-riżultati b’format ta’ dan it-tip.
Sliema rebħu 19-3, bir-rebħa timmatura fit-tieni parti tal-logħba. Minbarra Jerome Gabarretta li temm l-aqwa skorer tal-logħba b’seba’ gowls, spikkaw iż-żgħażagħ Liam Galea u Jacob Sciberras li skorjaw tripletta kull wieħed. It-tim ta’ Sergio Afric, frisk mir-rebħ tal-Enemed Cup kompla juri l-kollettiv f’logħba kwieta tant li s-Slimiżi kellhom biss żewġ okkażjonijiet ta’ raġel aktar, li skorjaw wieħed minnhom. Otters pruvaw irażżnu l-attakki Slimiżi u f’xi waqtiet irnexxielhom parzjalment iżda ma kinux biżżejjed b’saħħithom biex ikissru r-ritmu tal-avversarji. Fl-aħħar sessjoni krollaw hekk kif l-għajja bdiet tagħmel tagħha.
Jekk Sliema ddominaw, Neptunes għamlu l-istess iżda kisbu rebħa akbar ta’ 26-3. Tmien gowls fl-ewwel sessjoni u disa’ gowls fl-ewwel sessjoni żammew mal-aspettattiva. Iċ-champions ħarġu determinati li ma jagħtux nifs liż-żgħażagħ Slimiżi li jinsabu b’self ma’ Ta’ Xbiex. Fis-sessjonijiet l-oħra baqgħu fil-kmand għalkemm naqsu ftit mir-ritmu. Dawn il-logħbiet għal Ta’ Xbiex huma xejn għajr sessjonijiet li jservu ta’ esperjenza għall-partiti kontra timijiet ta’ tamparhom fl-Ewwel Diviżjoni.
Jordan Camilleri rritorna fl-iskwadra għalkemm ma niżilx fl-ilma hekk kif għadu mhux fl-aqwa kundizzjoni. Il-captain Stevie Camilleri mexxa lit-tim fl-ilma, b’żgħażagħ bħal Jake Muscat jieħdu rwol importanti fit-tim fil-logħba. Minuti importanti wkoll għal Sebastian Busuttil u Mark Castillo, bil-gowlkiper sostitut Benji Busuttil jidħol sa mit-tieni sessjoni fil-lasta.
SLIEMA FRANK SALT……….. 19
OTTERS NIVEA…………………. 3
(2-1), (3-0), (5-2), (9-0)
Sliema: N. Grixti, J. Gabarretta (7), L. Galea (3), J. Sciberras (3), M. Meli (1), B. Cachia (1), M. Spiteri Staines (1), J. Cutajar, J. Brownrigg (2), J. Gambin, Z. Mizzi, N. Bugelli (1), A. Teuma, C. Cutajar, E. Schembri
Otters: M. Xerri, M. Lanzon, R. Caruana, L. Hyzler, E. Meli, L. Gialanze (2), K. Scicluna, G. Mizzi, D. Dimech, D. Zahra (1), D. Tully, S. Xerri, D. Spiteri, M. Caruana Baluci
Referees: Fabio Brasiliano, Neville Mercieca
NEPTUNES……………………… 26
TA’ XBIEX……………………….. 3
(8-0), (9-0), (2-2), (7-1)
Neptunes: A. Borg Cole, J. Muscat (5), L. Calleja (1), G. Pace (1), S. Busuttil (2), J. Spiteri Staines, S. Camilleri (8), J. Camilleri, J. Abela (1), N. Zammit (5), A. Fenech (1), S. Gialanze, B. Busuttil, M. Farrugia, M. Castillo (2)
Ta’ Xbiex: M. Vassallo, M. Mifsud, R. Greco, D. Rizzo, N. Saliba (1), M. Demarco, M. Carani, A. Mifsud, K. Borg (1), G. Sammut (1), N. Schiavone, S. Azzopardi, M. Farrugia, F. Cutajar, J. Saliba
Referees: Andrea Barretta, Richard Magri
