Dejan Lovren ħalla uffiċjalment lil Liverpool biex se jkompli l-karriera ma’ Zenit St. Petersburg għal madwar €12-il miljun. Liverpool żvelaw l-aħbar fuq twitter fejn irringrazzjaw lil Lovren tas-servizz matul l-aħħar snin u awgurawlu għall-futur.
Lovren ingħaqad ma’ Liverpool mingħand Southampton għal €22 miljun f’Lulju tal-2014 u magħhom rebaħ il-UEFA Champions League, is-Super Cup Ewropea, it-Tazza tad-Dinja tal-klabbs u l-Premier League.
Speċjalment minn meta Virgil van Dijk issieħeb ma’ Liverpool f’Jannar tal-2018, Lovren ma tantx kien regolari fit-tim speċjalment minħabba l-kompetizzjoni ta’ Joe Gomez u Joel Matip. F’dan l-istaġun lagħab biss 15-il logħba fil-kompetizzjonijiet kollha.
