Lokali

Żieda qawwija fil-persuni jirreġistraw għax-xogħol fuq sena ilu – PN

Iż-żieda mħabbra mill-Uffiċċju Nazzjonali tal-Istatistika ta’ 2,654 persuna jirreġistraw għax-xogħol meta mqabbel ma’ Ġunju tas-sena li għaddiet huwa ta’ tħassib. Iċ-ċifri għal Ġunju ta’ din is-sena qed juru li n-nies jirreġistraw għax-xogħol telghu għal total ta’ 4,270 persuna.

Il-Kelliem tal-Oppożizzjoni għall-Edukazzjoni u t-Tiġdid tad-Dinja tax-Xogħol u d-Djalogu Soċjali Parteċipattiv Clyde Puli qal li dan jikkuntrasta bil-qawwi mall-istampa ta’ normalita’ li qed jipprova jpinġi l-Gvern. Sal-lum, ħafna negozji u sidien ta’ ħwienet żgħar għadhom qed isibuha diffiċli jerġgħu jsibu saqajhom.

Il-Partit Nazzjonalista filwaqt li jerġa’ juri s-solidarjeta’ tiegħu ma’ dawk il-familji li għaddejjin minn żmien diffiċli jappella biex il-Gvern juża bil-għaqal u bi pjan l-għajnuna ta’ fondi li pajjiżna reġa’ ħa frott tal-viżjoni tas-sħubija fl-Unjoni Ewropea.