Lija Athletic ħabbru l-akkwist tad-difensur Juan Cruz Gill li se jsaħħaħ id-difiża bl-esperjenza tiegħu. Lija se jkunu qed jirritornaw fil-Kampjonat Premier u l-għan tagħhom se jkunu li jsalvaw posthom għalkemm mhux se tkun faċli minħabba li jridu jkunu relegati erba’ timijiet.
Cruz Gill mhux wiċċ ġdid għall-futbol lokali. Hu nġieb f’pajjiżna fis-sajf tal-2015 minn Valletta u lagħab magħhom sa Jannar tal-2019 wara li maż-żmien spiċċa tilef postu. Mal-Beltin rebaħ darbtejn il-kampjonat, darba l-FA Trophy u darbtejn is-Super Cup.
Dan hu r-raba’ akkwist ta’ Lija Athletic wara Valdo Alhinho, Miguel Perez Jimenez u Neil Micallef b’self. Dan minbarra li Leon Muscat, Erjon Beu, Dylan Galea, McAllister Clinch u Gianluca Zammit iffirmaw kuntratti ġodda mal-klabb.
