L-Unjin tal-Għalliema qed titlob għal laqgħa urġenti mal-Ministeru għall-Edukazzjoni sabiex jiġi diskuss il-protokol dwar kif ser ikunu qed jiftħu l-iskejjel tul ix-xahar ta’ Settembru.
Filwaqt li l-MUT saħqet li l-aħbar li l-iskejjel ser ikunu qed jiftħu fit-28 ta’ Settembru ma ħaduhiex bħala sorpriża minħabba l-fatt li tul ix-xhur tas-Sajf infetħu s-servizzi taċ-childcare u SkolaSajf – l-Unjin konvinta li wieħed mix-xenarji propost mill-Ministeru mhux fattibli.
L-MUT spjegat li sistema hybrid, li l-edukaturi jagħmlu xogħolhom kemm wiċċ imb’wiċċ mal-istudenti kif ukoll online, ser tkun qed toħloq konfużjoni kemm b’mod edukazzjonali kif ukoll b’mod loġistiku.
L-Unjin qed titlob lill-Ministeru sabiex jispjega bl-aktar mod ċar kif ser ikunu qed iseħħu l-miżuri ta’ mitigazzjoni sabiex tiġi salvagwardata saħħet il-ħaddiema u l-istudenti u kif dan kollu ser ikun qed jaffettwa lis-sillabu ta’ matul is-sena.
Dan filwaqt li l-MUT insistiet li ser tkun qed tibqa’ tosserva l-andament ta’ pajjiżna hekk kif għadu qed iħabbat wiċċu mal-pandemija tal-Covid-19
