Nico Hulkenberg se jikkompeti ma’ Racing Point flok Sergio Perez wara li l-Messaġġ instab pożittiv għall-coronavirus. Perez ġie kkonfermat li għandu l-Covid-19 il-Ħamis u żvela li kien mar lura l-Messiku wara l-Grand Prix tal-Ungerija biex iżur lill-ommu li kienet l-isptar. Hu tal-anqas se jitlef iż-żewġ tlielaq f’Silverstone iżda Hulkenberg għadu jrid ikun ikkonfermat għat-tellieqa tal-ġimgħa d-dieħla fl-okkażjoni tas-70 aniversarju mill-ewwel Grand Prix.
Perez sejjaħ dan il-perjodu bħala l-aktar jiem tad-dwejjaq fil-karriera tiegħu. Hu qal li dan juri kemm huma vulnerabbli għal dan il-virus. Sergio Perez ikkonferma li ma jafx minn fejn ħa l-virus u għalkemm ammetta li hu mument iebes għalih, jinsab kunfidenti li jirritorna aktar b’saħħtu. Hulkenberg li spiċċa bla tim wara li ma nżammx fi tmiem l-istaġun li għadda, se jirritorna mat-tim li tellaq miegħu fl-2012 u bejn l-2014 u l-2016.
