Fiċ-Circolo Vela Arco fl-ewwel kompetizzjoni tal-istaġun, f’waħda mill-aktar kompetizzjonijiet ta’ prestiġju organizzati mill-Federazzjoni Taljana tal-Ibburdjar, suċċess doppju għal Malta Young Sailors club permezz ta’ Richard Schultheis u Antonia Schultheis fil-kategorija 29er.
Wara għaxar provi f’riħ li varja min-nofsinhar u mit-Tramuntana, dominju assolut minn Richard Schultheis li għad għandu 15-il sena. Flimkien mal-pruwa Max Koerner rebaħ b’distakk ta’ 22 punt fuq Marco Corrado u Matteo Catalano ta’ Centro Vela Bari.
Is-suċċess għal Malta Young Sailors Club tkompla permezz ta’ Antonia Schultheis li flimkien mal-pruwwa Ole Ulrich spiċċat temmet fit-tielet post b’distakk ta’ seba’ punti biss mit-tieni post ta’ Corrado. B’kollox f’din il-kompetizzjoni internazzjonali ħadu sehem xejn anqas minn 60 kompetitur minn tmien pajjiżi Ewropej – Malta, Italja, Awstrija, Ġermanja, Republika Ċeka, Olanda, Żvezja u Polonja.
