Raġel jista’ jispiċċa jitlef is-somma ta’ €11,000 kif ukoll il-libertà tiegħu wara li ammetta li kiser il-kundizzjonijiet tal-ħelsien mill-arrest tiegħu meta d-dejta tal-lokalizzazzjoni tat-telefon ċellulari wriet li kien barra, seba’ sigħat li għaddew minn x’ħin huwa kien ordnat ikun id-dar.
Mohamed Abdulmajeb Abungab, ta’ 23 sena, mil-Libja u residenti l-Gżira ġie akkużat li kiser il-kundizzjonijiet tal-ħelsien mill-arrest tiegħu wara li l-Pulizija ndunat li l-lokalizzazzjoni tat-telefon ċellulari tiegħu wriet li kien barra minn daru bi ksur tar-restrizzjonijiet imposti mill-qorti – fuq medda ta’ diversi sigħat.
Abungab kien inħeles mill-arrest f’Diċembru 2019, xahar wara li ġie arrestat fuq serq, li hedded uffiċjal tal-Pulizija, li kellu pussess ta’ sikkina – flick-knife, li ġarrha fil-pubbliku mingħajr permess, li saq karozza mingħajr liċenzja tas-sewqan u li sar reċidiv. Il-ħelsien mill-arrest tiegħu kien stabbilit għal €11,000.
Iżda minkejja dan id-deterrent qawwi, l-Ispettur Joseph Xerri qal lill-Maġistrat Donatella Frendo Dimech li r-raġel kien instab f’San Ġiljan fis-2.00am. tal-1 ta’ Awwissu – li għadda ħafna aktar tard mill-ordni li kienet ingħatat mill-Qorti.
Aktar investigazzjonijiet, bl-użu ta’ data ta’ lokalizzazzjoni mit-telefon ċellulari tiegħu wrew li ta’ spiss huwa kiser il-kundizzjonijiet tal-libertà proviżorja tiegħu. F’okkażjoni waħda, huwa kien qabeż il-ħib tiegħu b’seba’ sigħat, qal l-Ispettur.
Il-Maġistrat Frendo Dimech spjegat li jekk hija se ssibu ħati jkun obbligatorju li huwa jitlef id-depożitu tiegħu. L-avukat tiegħu, Noel Bianco, sostna li r-raġel kultant kien jaqsam il-mowbajl tiegħu ma’ oħrajn. Huwa kien mar biex jiċċelebra l-Eid, festival spiritwali, qal l-Avukat.
Abungab qal lill-QAorti li xtaq jammetti l-akkużi, minkejja li l-avukat tiegħu spjegalu li kien se jitlef id-depożitu tiegħu u jispiċċa l-ħabs jekk jammetti. Il-Qorti qalet li l-liġi kienet ċara: l-ksur tal-ħelsien mill-arrest, għal kwalunkwe raġuni, kien ifisser li l-konfiska tad-depożitu kienet obbligatorja.
It-terminu tal-inkarċerazzjoni jista’ jkun varjat, bejn minimu u massimu, iżda d-depożitu jintilef, qalet il-Maġistrat. “Sfortunatament nitolbu l-ħelsien mill-arrest mingħajr ma nieħdu ħsiebu” osservat il-Qorti.
Abungab ammetta billi wieġeb li huwa ħati. “Għamilt żball u ppruvajt nagħmel lili nnifsi aħjar milli jien. Ma hemm x’tagħmel huwa qal”. Il-Qorti qalet li se tħalli s-sentenza għal nhar il-Ħamis.
L-Avukat Bianco staqsa jekk kienx possibbli li r-raġel jitlef il-garanzija iżda ma jirrevokax il-ħelsien tiegħu u talab il-ħelsien mill-arrest sakemm jingħata sentenza, bil-Qorti tirrifjuta din l-aħħar talba diretta.
“Peress li l-akkużat huwa mixli preċiżament li kiser il-kundizzjonijiet tal-ħelsien mill-arrest, il-Qorti mhix konvinta dwar l-affidabbiltà tiegħu.” Huwa nżamm taħt arrest preventiv.
