Għadd ta’ studenti jinsabu mħassba dwar ir-resits tal-Università u l-eżamijiet tal-MATSEC li mistennija jsiru f’Settembru hekk kif fl-aħħar jiem pajjiżna ra żieda sostanzjali fil-każi ta’ COVID-19.
L-Għaqda KSU, li tirrapreżenta lill-istudenti tal-Università ta’ Malta, għamlu laqgħa mal-Ministru tal-Edukazzjoni, Owen Bonnici iżda baqgħu mingħajr ebda tip ta’ risposta dwar dan.
Lanqas mistoqsijiet oħra li ntbatu lis-Supretendent tas-Saħħa Pubblika u lill-Ministeru tas-Saħħa baqgħu ma ġewx imwieġba.
Dawn kienu l-mistoqsijiet li ntbatu fl-aħħar jiem:
- X’garanzija hemm li l-gwidi relatati ma’ saħħa se jkunu validi sal-ġimgħat li ġejjin?
- X’jiġri jekk persuna toħroġ pożittiva għall-virus u jkollha eżami fil-ġranet qrib?
- X’se jkunu l-kundizzjonijiet rrakkomandati jekk l-Università terġa’ tiftaħ normali f’Ottubru?
- Jekk il-kundizzjonijiet jintlaħqu, ma’ liema struzzjonijiet tas-saħħa għandha timxi l-Università ta’ Malta meta jinstab każ pożittiv?
- X’inhuma l-ammont ta’ każijiet attivi jew ir-rata ta’ trażmissjoni rrakkomandati biex jittieħdu miżuri straordinarji rigward is-sena akkademika u l-eżamijiet li jinsabu fil-qrib?
B’hekk, l-KSU qed tappella lill-Università ta’ Malta u lill-Gvern biex jikkunsidra dawn il-mistoqsijiet u jieħu deċiżjonijiet xierqa.
//= $special ?>