L-għeluq tad-dipartiment tal-outpatients psikjatriċi mingħajr pjan konkret biex jittrasferixxi l-pazjenti kollha fil-kliniċi tal-komunità ġab aktar tħassib fost l-utenti tas-servizz, dawk li jieħdu ħsiebhom u l-professjonisti.
Hekk stqarret l-Assoċjazzjoni Maltija tas-Social Workers permezz ta’ stqarrija.
Filwaqt li uħud mill-pazjenti, jew dawk li jieħdu ħsiebhom, jistgħu jilħqu l-għajnuna u jiksbu appuntament, hemm tħassib serju għal dawk b’mard mentali serju la ma jsibu l-ebda għajnuna, u jibqgħu mwarrba.
Hemm ukoll tħassib dwar in-nuqqas ta’ riżorsi umani biex jintlaħqu t-talbiet għoljin u dan it-tħassib jestendi għal dawk li għandhom jerfgħu r-responsabbiltà legali medika jekk iseħħ xi ħaġa minħabba nuqqas ta’ riżorsi umani.
Il-MASW appellat biex dan is-settur jingħata l-prijorità mistħoqqha, u l-pazjenti jkunu jistgħu jingħataw is-servizz mediku kif hu xieraq u suppost.
Fl-aħħar jiem kienu bosta numru ta’ tobba li tkellmu ma’ Net News fejn urew it-tħassib dwar dan, inkluż il-problemi ta’ ansjeta li l-imxija tal-Coronavirus qed toħloq.
//= $special ?>