L-uffiċjali għall-emerġenzi fl-Istat ta’ Kalifornja qed jagħmlu li jistgħu biex irażżnu n-nirien kbar li qabdu din il-ġimgħa qalb art iddominata minn foresta lejn il-lvant tal-Istat.
In-nirien ġew imlaqqmin ‘Lake Fire’ u fl-aħħar jiem ikkaġunaw l-evakwazzjonijiet tar-residenti miz-zona inkwistjoni u l-madwar ta’ Los Angeles.
Sadanittant, l-uffiċjali wissew li n-nirien kapaċi jieħdu spinta ġdida u aktar perikoluża minħabba l-kurrenti tal-arja sħuna li qed jonfħu f’Kalifornja, fost l-indikazzjonijiet kollha ta’ mewġa tas-sħana kbira.
Fl-aħħar sigħat, ir-residenti fl-inħawi tan-naħa t’isfel ta’ Kalifornja setgħu jaraw dħaħen enormi telgħin miz-zoni maħkuma min-nirien. Dan fost il-konferma li l-Lake Fire avvanza tul zoni tal-Istat li kienu ilhom ma jġarrbu nirien mill-1968.
L-osservaturi qablu li l-fjammi qerdu ‘numru inkalkulabbli’ ta’ siġar u li l-iskwadri għall-emerġenzi, fl-aħħar sigħat, kienu laħqu ikkontrollaw biss ftit aktar minn ‘ħamsa fil-mija’ tal-fjammi’.
Għalissa, il-‘Lake Fire’ qed jhedded ‘il fuq minn 5,000 residenza tan-nies, bl-awtoritajiet jemmnu li jridu jiffaċċjaw emerġenza ta’ nar ‘tal-ogħla kategorija’ għal diversi jiem.
Il-fjammi, s’issa, ‘belgħu’ territorji fl-Angeles National Forest bejn Santa Clarita u Palmdale, lejn in-naħa ta’ fuq ta’ Los Angeles.
//= $special ?>