Martin Joseph Xuereb, ta’ 47 sena minn Bormla ġie kundannat sentejn ħabs oħra fuq serq ta’ fjuwil. Sitt snin ilu huwa kien ġie kundannat tliet snin u seba’ xhur ħabs fuq akkużi simili, filwaqt li sentejn ilu kien mar 18-il xahar ħabs, wara li ammetta li pprova jiffroda kumpanija tal-assigurazzjoni.
Xuereb huwa maħkum mill-vizzju tal-abbuż mid-drogi, bil-Qorti ta’ Għawdex preseduta mill-Maġistrat Brigitte Sultana tinnota li l-imputat huwa pluri-reċidiv b’mod mill-aktar qawwi.
Il-kondotta tiegħu b’xorti ħażina, turi li għandu għadd ta’ sentenzi ta’ priġunerija. Dan il-fatt jagħmilha li l-piena bilfors trid tkun dik ta’ ħabs effettiv
Xuereb ammetta li fil-lejl ta’ bejn 13 u 14 ta’ Awwissu 2020 fi x’hin bejn 11.30p.m. u 01.40a.m. waqt li kien fis-sit maghruf Ta’Maġġi, li jinsab fi triq il-Madonna ta’ Rummiena, fix-Xewkija Ghawdex seraq diversi litri ta’ diesel minn vettura tal-ghamla Leyland DAF, u minn krejn.
Ammetta wkoll li fil-lejl ta’ bejn is-7 u 8 ta’ Awwissu 2020 bejn 1000 p.m. u 2.00 am. waqt li kien qiegħed fi triq San Leonardu fir-Rabat Għawdex ikommetta serq ta’ diversi litri ta’ diesel minn karozza tal-ghamla Coles.
Ammetta li serq ta’ diversi litri ta’ diesel minn karozza Leyland, li l-valur taghħom jaqbeż il-€232.94 iżda hu anqas minn €,2,329.37. Id-difiza ta’ Xuereb immexxija mill-Avukat Dottor Jean Paul Grech saħqet li f’dan il-każ kien qed jistieden lill-Qorti tikkonsidra tagħti lill-akkuzat piena sospiża.
Madankollu fl-eventwalita li l-Qorti tiddeċiedi illi piena karċerarja hija aktar idónea allura l-Awtorità tal-Ħabs għandha tiġi ordnata li ssegwi lill-akkużat fi programm ħalli jeħles mil-vizzju tad-droga.
Barra minn hekk id-difiża saħqet illi f’waħda mis-serqiet ta’ fuel, ir-reat ta serq ma ġiex konkluż billi Xuereb ħalla il-landi tal-fjuwil ma l-art. Il-Prosekuzzjoni argumentat illi is-serq ta fuel kien seħħ billi Xuereb kien battal il-fjuwil mil-vettura u kien poġġieh fil-landi lest biex iġorru. Il-Prosekuzzjoni argumenat li fjuwil ma tteħidtx, għax Xuereb beża.
il-Qorti fis-sentenza tagħha rrakkomandat dlid-Direttur tal-Faċilità Korrettiva ta’ Kordin sabiex matul il-perjodu li fih il-ħati se jkun residenti fl-istess Faċilità jara li jingħata l-għajnuna meħtieġa u l-possibilita’ sabiex huwa jkun jista jibda’ u jispiċċa programm ta’ rijabilitazzjoni mill-vizzju tal-abbuż mid-drogi.
Dan jinkludi wkoll billi huwa jiġi riferut għal dik it-taqsima l-aktar adatta sabiex dan l-għan ikun jista’ jintlaħaq b’suċċess. Il-Prosekuzzjoni tmexxiet mill-Ispettur Bernard Charles Spiteri.
//= $special ?>