Iċ-ċiklista Lizzie Deignan rebħet it-tielet titlu tal-GP De Plouay fil-korsa ta’ Franza li kienet maħkuma mix-xita. Ftit wara daħlet Lizzy Banks li temmet it-tellieqa fit-tieni post.
Grupp ta’ tliet ċiklisti spiċċa tnejn meta Jip Van Den Bos waqgħet f’niżla b’32 kilometru biss għal tmiem it-tellieqa, filwaqt li ħalliet liż-żewġ Ingliżi Deignan u Banks jiġġieldu għall-ewwel post.
Huma spiċċaw iżjed minn minuta quddiem it-tielet post, bi Chiara Consonni takwista t-tielet post.
Deignan rebħet ukoll it-tellieqa fl-2015 u fl-2017.
