Raġel ta’ 41 sena ittieħed b’emerġenza l-Isptar Mater Dei wara li kien involut f’inċident tat- traffiku fl-Imqabba.
Għall-ħabta tat-14:45, il-Pulizija ġiet infurmata li seħħet ħabta f’Misraħ il-Missjoni iż-Żgħira, l-Imqabba u hemm persuna feruta.
Il-Pulizija marret minnufih fuq il-post u minn stħarriġ preliminari li sar, irriżulta li seħħet ħabta bejn van tat-tip Mitsubishi misjuq minn raġel ta’ 56 sena residenti l-Imqabba stess u mutur tat-tip Yamaha Tmax misjuq mir-raġel ta’ 41 sena residenti l-Gżira.
Ix-xufier tal-mutur ittieħed l-isptar Mater Dei permezz ta’ ambulanza sabiex jingħata l-kura meħtieġa. Aktar tard, il-Pulizija ġiet infurmata li r-raġel kien iċċertifkat li qed issofri minn ġrieħi gravi.
L-investigazzjonijiet tal-Pulizija għadhom għaddejjin.
//= $special ?>