Dalgħodu sar magħruf illi għal darb’oħra kien hemm mewt ta’ priġunier fil-ħabs, fejn tilef ħajtu priġunier ta’ 45 sena.
Din hija mewta oħra li tiżdied ma’ numru oħrajn li kien hemm fl-aħħar xhur
Fi stqarrija mill-PN permezz ta’ Beppe Fenech Adami l-Kelliem tal-Oppożizzjoni għall-Intern, is-Sigurtà Nazzjonali u l-Ġlieda kontra l-Kriminalità ntqal li f’ġieħ it-trasparenza, il-kontabbiltà u s-serħan tal-moħħ tal-priġunieri u l-familji tagħhom huwa fl-interess pubbliku li l-Ministru responsabbli mill-ħabs Byron Camilleri jispjega b’mod immedjat x’wassal għal dan il-mewt f’età żgħira.
