Il-plejers ta’ Manchester City Riyad Mahrez u Aymeric Laporte nstabu pożittivi għall-coronavirus hekk kif il-klabb qed jipprepara għall-bidu tal-kampjonat Ingliż fil-21 ta’ Settembru bl-ewwel logħba tkun kontra Wolves.
Iż-żewġ plejers m’għandhom l-ebda sintomi, u jinsabu iżolati fid-djar tagħhom.
Manchester City mhux se jkunu qed jilgħabu fl-ewwel rawnd tal-Premier League li jibda fit-12 ta’ Settembru, peress li kienu mpenjati bil-logħob taċ-Champions League, iżda jibdew fil-ġimgħa ta’ wara.
