Dalgħodu l-media Ingliża qed tirrapporta kif it-testijiet fuq it-tilqima għal kontra l-Covid-19 kellhom jieqfu. Dan wara li wieħed mill-parteċipanti f’dawn it-testijiet ħassu ma jiflaħx.
Kien għal din ir-raġuni li r-riċerkaturi iddeċidew li jwaqqfu l-proċess ta’ testijiet, liema proċess issa wasal fl-aħħar fażi tiegħu.
Il-vaċċin tal-Ingliżi qed ikun żviluppat mill-Università ta’ Oxford flimkien mal-kumpanija AstraZeneca.
Il-kumpanija qed tgħid li dan il-waqfien qed ikun meqjusa bħala “proċedura ta’ rutina” f’każi bħal dawn.
Apparti r-Renju Unit, anke l-Italja u r-Russja qed jiżviluppaw tilqima għal kontra l-Coronavirus, bir-Russi jgħidu li dalwaqt se tkun disponibbli għall-ħaddiema fil-qasam tas-saħħa u anke l-għalliema.
//= $special ?>