Il-pjanċi mitlufa m'għandhomx jittellgħu fuq il-media iżda jsir rapport
Il-Pulizija fakkret lil dawk li jsibu xi pjanċi ta’ reġistrazzjoni ta’ vettura li huma marbuta jeħduha fl-eqreb Għassa u mhux jittellgħu ritratti ta’ diversi pjanċi fuq il-midja soċjali.
Minn hemm, il-Pulizija tagħmel kuntatt mas-sidien rispettivi sabiex il-pjanċa tinġabar lura.
Dan b’rabta mal-pjanċi li nstabu wara l-għargħar fit-toroq li kellna fl-aħħar jiem madwar il-gżejjer Maltin.
Il-Korp tal-Pulizija appella lil dawk kollha li tilfu xi pjanċa minn mal-vettura tagħhom li jridu jagħmlu rapport fl-eqreb għassa tal-Pulizija sabiex jiġu infurmati f’każ li din tinstab jew sabiex tinħareġ pjanċa oħra minn Transport Malta.
