Theophilus Nwadike ta’ 39 sena min-Niġerja ġie kundannat tmien snin ħabs mill-Imħallef Giovanni Grixti wara li ammetta flok għadda ġuri li 10 snin ilu flimkien ma’ persuna oħra ikkonfoffa ma’ persuni oħra biex tiġi mportata u traffikata ftit aktar minn kilo droga eroina.
L-investigazzjoni impekabbli tal-Pulizija wasslet biex jinqabad ukoll sieħeb Nwadike f’Birżebbuġa. Il-Kuntistabbli Oliver Borg kien mar fil-post fejn kellhom jiltaqgħu tliet persuni f’Birħebbuġia biex iwettqu l-operazzjoni klandestina fejn għamilha ta’ wieħed minn dawk involuti biex jissolva l-każ.
Nwadike li għamel ukoll perjodu maħrub minn Malta iżda kien inqabad fl-Italja wara li qatta’ sena maħrub ġie mmultat ukoll €25,000. L-istorja bdiet meta huwa kien iltaqa ma’ persuna oħra fil-Belt fl-2010 u malajr saru ħbieb.
Fost il-konversazzjonijiet numerużi ta’ bejniethom, inħolqot l-idea biex jagħmlu ‘flus faċli’. Theophilus Nwadike kien ikkonvinċa lil persuna l-oħra li kellu żewġ kuntatti barranin li permezz tagħhom setgħu jibdew jimportaw id-droga eroina. f’Malta.
Fil-fatt anke fasslu pjan u kkonfoffaw ma’ nies barra l-pajjiż, inkluż ċertu Daniel, għal dan il-għan Il-ftehim kien wieħed metikoluż miftiehem u ppjanat minn qabel bejn Theophilus Nwadike, l-persuna li magħha ltaqa’ l-Belt u l-fornitur barrani bl-isem ta’ Daniel.
Il-pjan kien li ftit iktar minn kilo ta’ eroina tinħeba f’par żarbun, liema par il-courier jilbes u jiġi Malta. Il-courrier kellu jkun ċittadin Spanjol bl-isem ta ’Justo Ernesto Bellver Bayo.
Huwa kellu jiġbor iż-żraben bid-drogi minn post f’Amsterdam, jilbishom, imur l-ajruport, u jaqbad it-titjira numru KM 397 lejn Malta. Ladarba tirnexxi din l-operazzjoni f’Malta, Justo Ernesto Bellver Bayo kellu jeqred is-sim card tal-mowbajl tiegħu, jixtri sim card ġdida, u jċempel lil ‘Daniel’’sabiex dan tal-aħħar jagħtih struzzjonijiet dettaljati dwar meta u fejn jiltaqa’ ma’ Theophilus Nwadike u sieħbu biex jikkunsinnaw id-droga lilhom.
Għax-xogħol tiegħu li jdaħħal id-droga f’Malta, Theophilus Nwadike u sieħbu kellhom jagħtu lil Justo Ernesto Bellver Bayo s-somma ta’ €2,000. Nwadike u sieħbu mbagħad ibiegħu dik id-droga.
Fis-17 ta’ Ġunju tal-2010 il-Pulizija tal-Iskwadra tad-Droga ġew infurmati mill-uffiċjali tad-Dwana fl-Ajruport Internazzjonali ta’ Malta li ċittadin Spanjol kien twaqqaf ajruport u li kellu jasal għall-ħabta tat-3.30pm. fuq it-titjira KM 397 minn Amsterdam, l-Olanda fuq suspett li jista’ jkun qed iġorr id-droga.
Din il-persuna Spanjola rriżultat li kienet Justo Ernesto Bellver Bayo. Wara aktar investigazzjoni rriżulta li dan kien qed iġorr l-ammont ta’ 1,127.9 kilo ta’ eroina, liema droga kienet moħbija fiż-żraben tiegħu.
Analiżi mill-espert maħtur mill-Qorti wriet li din id-droga kellha purità ta 26.7 fil-mija, u valur tat-triq ta’ € 51,583. Dak Justo Ernesto Bellver Bayo qabel li jipparteċipa f’operazzjoni ta ’‘ kunsinna kkontrollata ’skont il-liġi u kif awtorizzat mill-Maġistrat Inkwirenti, sabiex il-Pulizija tkun tista’ taqbad l-individwi li lilhom kienet destinata d-droga li kien qed iġorr.
Il-Pulizija bdiet għamlet ix-xogħol tagħha marbuta ma’ din il-‘konsenja kkontrollata’ fejn skont l-istruzzjonijiet li rċieva Bayo, dan kellu jimxi lejn il-playing-field f’Birżebbugia, fejn raġe liebes kappa tal-baseball kellu jersaq lejh u jagħmillu sinjal.
Il-Kunstitabbli Oliver Borg, li għamilha ta’‘undercover’ bħala l-kompliċi mexa lejn il-playing-field, skont l-istruzzjonijiet li kellu, ltaqa’ ma’ raġel ta’ ġilda skura liebes kappa tal-baseball li għamillu sinjal.
Dan ir-raġel kien sieħeb Nwadike u l-kuntistabbli talbu bil-lingwa Spanjola għall-flus, u dan ħaseb li l-Kuntistabbli Oliver Borg kien Justo Ernesto Bellver Bayo.
Huwa qallu biex joqgħod fuq bank u jistenna lill-ħabib tiegħu li kien ġej bil-flus. Il-ħabib tiegħu kien Theophilus Nwadike, li resaq lejn il-post, iżda, meta induna li kien hemm xi ħaġa tinten, ħarab minn fuq il-post billi tela’ fuq karozza tal-linja li kienet ġejja.
Kemm Theophilus Nwadike kif ukoll sieħbu ġew arrestati. Fuq il-persuna ta’ Theophilus Nwadike, il-Pulizija sabu € 2,000 fi flus kontanti. Il-Qorti qieset il-fatt li l-ħati ammetta fi stadju bikri tal-proċeduri fejn il-piena f’dan il-każ hija waħda ta ’priġunerija għal għomor u għal multa ta’ mhux inqas minn €2,330 iżda mhux aktar minn €116,500, u l-konfiska favur il-Gvern ta ’Malta tal-proprjetà immobbli u mobbli kollha li dwarha twettaq ir-reat
B’konsegwenza tal-ammissjoni,l-Qorti ddikjarat lil Theophiluis Nwadike ħati u kkundannatu għal terminu ta ’priġunerija ta’ tmien snin u multa ta’ € 25,000 li jekk ma titħallasx għandha tiġi kkonvertita f’terminu ieħor ta’ priġunerija skont il-Liġi. Għal Nwadike deher l-Avukat Mark Sant.
