Liverpool jinsabu viċin ferm li jakkwistaw lill-midfielder ta’ Bayern Munich Thiago Alcantara għas-somma ta’ £25 miljun. Alcantara mistenni jiffirma kuntratt ta’ erba’ snin fis-sigħat li ġejjin hekk kif jidher li ntlaħaq ftehim bejn il-partijiet kollha.
Dan se jkun it-tieni akkwist għat-tim ta’ Jurgen Klopp wara li aktar kmieni akkwistaw lid-difensur Grieg Kostas Tsimikas. L-aħbar li Alcantara se jħalli lil Bayern Munich kienet konfermata mill-kowċ tat-tim Ġermaniż stess Hansi Flick fejn qal li llum stess il-plejer sellem lil sħabu għall-aħħar darba.
Thiago Alcantara fil-passat lagħab ukoll ma’ Barcelona qabel ma fl-2013 issieħeb ma’ Bayern Munich fejn rebaħ seba’ Kampjonat Ġermaniżi u l-UEFA Champions League fost l-oħrajn.
