L-attakkant Gonzalo Higuain mistenni jingħaqad mat-tim Inter Miami ta’ David Beckham fl-Istati Uniti, wara li Juventus ikkonfermaw li l-Arġentin mhux se jibqa’ mall-iskwadra. Dan seħħ wara li l-plejer u l-klabb qablu li jitterminaw il-kuntratt.
Il-kowċ ta’ Inter Miami Diego Alonso qal li Higuain dalwaqt ikun plejer tagħhom, filwaqt li l-istess plejer deher fl-ajruport ta’ Miami ma’ Jorge Mas, wieħed mill-kapijiet tal-klabb Amerikan.
Il-plejer ta’ 32 sena ngħaqad ma’ Juventus fl-2016 wara li ħalla lil Napoli għas-somma ta’ €82 miljun. Dak iż-żmien, din kienet it-tielet l-ogħla transferiment.
