Filmat: Raniero Borg
Iktar minn 20 bugħaddas qattgħu ‘il fuq minn ħames sigħat f’Ta’ Xbiex fejn ġabru mad-950 kilogramma f’żibel li kien mormi fil-baħar, fosthom saħansitra saqqu kbir.
Din l-inizzjattiva saret minn voluntiera li jifformaw parti mill-NGOs ‘Żibel’ u ‘Raniero’s Adventures – Live Life’ matul il-ġurnata tal-bieraħ, li kienet ukoll il-ġurnata ddedikata għat-tindif. Miljuni ta’ voluntiera minn 180 pajjiż ingħaqdu flimkien għal din l-inizzjattiva.
Dawn kienu l-affarijiet li nsabu fil-baħar f’ġurnata waħda:
- 428.74 kilogramma ħġieġ
- 316.2 kilogramma tyres (32 tyre)
- 157.8 kilogramma skart goff
- 19.18 kilogramma batteriji
- 14.1 kilogramma metall
- 10.7 kilogramma skart inġenerali
- 1.86 kilogramma plastik
- 0.9 kilogramma tappijiet tal-fliexken
It-talba tibqa’ dejjem waħda, dik li wieħed għandu dejjem jieħu ħsieb li jarmi l-iskart tiegħu fejn sippost u mhux jarmih bl-addoċċ b’detriment għall-ibħra Maltin.