Raġel ta’ 60 sena mill-Qrendi nżamm arrestat fuq akkużi ta’ attakk sesswali wara li allegatament talab favuri sesswali minn żewġ ġirien subien ta’ 13-il sena. L-akkużat, li ismu mhux qed jixxandar fuq ordni tal-Qorti mmirata biex tevita l-pubblikazzjoni tal-identità tal-minuri.
Ir-raġel ġie akkużat ukoll li hedded, ta fastidju u intimida liż-żewġ allegati vittmi, minbarra wkoll li talabhom favuri sesswali. Huwa ġie akkużat ukoll li minbarra li attakka lil minuri, attakka wkoll lil waħda mill-ommijiet tas-subien.
L-Ispettur Roxanne Tabone, li nvestigat il-każ, qalet lill-Maġistrat Natasha Galea Sciberras kif waħda mill-vittmi marret għand il-Pulizija tagħmel rapport fit-12 ta’ Settembru.
Ir-raġel allegatament kien hedded lis-subien li kien se jfittex vendetta u li huma “qatt mhuma se jaraw id-dawl tal-ġurnata” jekk jgħidu lil xi ħadd dwar l-abbuż.
Fil-Qorti, l-akkużat wieġeb mhux ħati, bl-avukat tiegħu Mark Mifsud Cutajar jitlob il-ħelsien mill-arrest, bl-argument li l-akkużat jista’ jiġi ordnat biex jibqa’ d-dar peress li ma kellux xogħol. Madankollu l-Qorti ċaħdet it-talba u żammet lir-raġel miżmum taħt arrest.
