Dalgħodu tħabbret il-mewt ta’ Victor Borg, wieħed mill-esponenti ewlenin tas-settur turistiku f’Għawdex.
Victor kien meqjus bħala persuna ta’ qalb kbira fejn ħafna kienu jħobbu jiddiskutu miegħu diversi materji filwaqt li joħloq diskursata tant interessanti u impenjattiva bl-aktar mod pożittiv.
Dan ħareġ fi stqarrija mill-Viċi Kap tal-PN għall-Affarijiet tal-Partit u Kelliem tal-Oppożizzjoni għall-Isfidi fit-Turiżmu f’Dinja Ġdida, Robert Arrigo u l-Kelliem tal-Oppożizzjoni għal Għawdex u r-Riformi Kostituzzjonali, Chris Said.
Victor kien il-persuna li introduċa l-idea ta’ tmiem il-ġimgħa speċjali ġewwa Għawdex għall-Maltin, liema idea intlaqtet tant tajba li sa llum il-ġurnata mijiet ta’ Maltin jitilgħu kull ġimgħa.
Dan filwaqt li matul ħajtu Victor kellu lukandi, farmhouses u appartamenti flimkien ma’ aġenzija tal-kiri tal-karozzi u agenzija tal-ivjaġġar ibbażata f’Londra.
Il-Partit Nazzjonalista wassal il-kondoljanzi lill-familja Borg.
