38 immigrant kellhom jiddaħħlu Malta hekk kif sabu ruħhom f’diffikulta f’nofs ta’ baħar.
Huma ddaħħlu Malta kmieni dalgħodu f’ħidma ta’ salvataġġ mill-Forzi Armati ta’ Malta.
Jidher li l-immigranti huma kollha Marokkini.
It-38 immigrant kienu abbord dgħajsa li kellha xi ħsarat. L-għaqda Alarm Phone qalet li l-immigranti kienu jinsabu fiż-żona ta’ tiftix u salvataġġ ta’ pajjiżna.
Immedjatament il-Forzi Armati ta’ Malta waslu fil-post fejn kienet din id-dgħajsa iżda ma rnexxilhomx jirranġaw il-ħsarat li kellha.
