Chris Cassar
NAXXAR L. ………………………… 1
SWIEQI U. ………………………… 4
Naxxar L: O. Borg, J. Sciberras, A. Azzopardi, M. Fenech, M. Mifsud, G. Xuereb, R. Cassar, J. Ellul, A. Tenorio, F. Zuniga, S. Meilak.
Swieqi U: E. Gatt, I. Micallef, J. Magri Overend, J. Micallef, J. Willy, S. Ibrahim, A. Schembri Wismayer, M. Vella, M. Ivanovic, J. Azzopardi, D. Borg.
Referee: Matthew Degabriele
Salis Ibrahim kien f’vena mill-aqwa meta skorja hat-trick fit-tieni rebħa konsekuttiva ta’ Swieqi. Ibrahim seta’ wkoll għaqqad il-poker iżda falla penalty. Kienet logħba mimlija emozzjoniet u azzjonijiet taħt il-lasti, bl-għoti wkoll ta’ tliet penalties u tliet karti ħomor.
Opportunita’ għal Naxxar wara 13-il minuta meta ngħataw penalty iżda mill-11-il metru Zuniga ma rnexxielhux jegħleb lil Gatt. Il-logħba kienet ferm bilanċjata u Swieqi resqu qrib meta minn azzjoni ta’ freekick Ivanovic laqat il-lasta.
Sitt minuti mill-ftuħ tat-tieni taqsima penalty favur Swieqi wara fawl fuq Ibrahim bl-istess plejer jiskorja mill-11-il metru. Seba’ minuti wara jitkeċċa Dale Borg ta’ Swieqi u mill-istess freekick Joel Ellul skorja gowl sabiħ.
Fil-61 minuta Ibrahim jitwaqqa’ fil-kaxxa minn Zuniga li ntwera t-tieni karta safra u b’hekk kien imkeċċi. Iżda mill-ħdax-il metru ix-xutt ta’ Ibrahim kien salvat minn Borg. Ta’ dan l-iżball Ibrahim patta bil-kbir għaliex skorja doppjetta fi spazju ta’ żewġ minuti, u fid-90 minuta kien is-sostitu Frank Temile li għalaq il-logħba bir-raba’ u l-aħħar gowl.
Fil-ħin miżjud Naxxar spiċċaw ukoll b’disgħa meta tkeċċa s-sostitu Bradley Schembri.
BOV CHALLENGE LEAGUE
Il-Ġimgħa: Centenary Stadium: St. George’s v Marsa 1-3, Ilbieraħ: Victor Tedesco Stadium: Pieta v Qormi 2-3, Naxxar v Swieqi 1-4, Centenary Stadium: Fgura v Żebbuġ 1-0, Qrendi v St. Andrews 2-1, Illum: Centenary Stadium: Marsaxlokk v Pembroke 5.00pm, Vittoriosa v San Ġwann 9.15pm
