Il-Maġistrat Rachel Montebello kellha tħalli l-awla li kienet qed tippresiedi wara li l-Avukat Pawlu Lia beda’ jgħajjat mad-Deputat Nazzjonalista Jason Azzopardi. Dan seħħ waqt li l-Ministru Owen Bonnici kien qed jixhed f’kawża ta’ libell li ppreżenta kontra l-Avukat Jason Azzopardi fejn qed joġġezzjona li jissejjaħ “kriminali.”
Huwa qed jiċħad ukoll li kellu xi involviment fil-libelli SLAPP li ppreżentataw kontra Azzopardi u l-ġurnalista assasinata Daphne Caruana Galizia.
Kienet seduta taħraq fejn f’ħin minnhom il-Maġistrat Rachel Montebello rtirat meta l-avukat Pawlu Lia beda jgħajjat ma’ Azzopardi waqt li l-Qorti bdiet tindirizzah.
L-Avukat Lia kien wera lil Azzopardi post fuq Facebook li kien għamel fis-16 ta’ Diċembru, li ddeskriva lil Bonnici u uffiċjali oħra tal-gvern bħala kriminali. Iżda Lia beda jinterompi lil Azzopardi hekk kif kien dan kien qed jipprepara biexjagħmel tweġiba ppreparata.
Azzopardi qal lill-Qorti li wara li ġie ppubblikat ir-rapport Egrant, il-kliem “giddibin” u “kriminali” kienu f’waqthom. “Liema delitt? Meta nstab ħati? Dawn huma l-mistoqsijiet tiegħi u int trid twieġebhom l-ewwel! ” għajjat b’ton arroganti Pawlu Lia.
“Le,” wieġeb Azzopardi “imma ma jfissirx li mhuwiex kriminali. Min ma jiġġilidx il-korruzzjoni huwa korrott. Il-Ministru Bonnici ta kuntratti lil Nexia BT, li huma korrotti, huwa wkoll ġustifika l-azzjonijiet ta’ Konrad Mizzi li huwa korrott, kiser id-drittijiet tar-Repubblika kemm il-darba darba. “Korrott iva” qal l-avukat waqt li l-avukat avversarju beda jipprova joħnoqlu kliemu.
Il-Qorti qalet li l-imġieba u l-għajjat sfrenat ta’ Lia waqt li l-Qorti kienet qed tindirizza lill-istess avukat mhux aċċettabbli. Il-Maġistrat wissiet li jekk din l-imġieba tkompli minn kwalunkwe avukat, is-seduta kienet se tiġi posposta u “tittieħed l-azzjoni opportuna.”
Meta rritornat lura fl-awla l-Maġistrat, Lia talab skuża lill-Qorti. Huwa nħasad bil-preżenza tal-ġurnalisti u qal li l-Qorti ma kinitx il-forum għal diskorsi politiċi.
Aktar tard fis-seduta, il-Ministru Owen Bonnici ħa l-pedana tax-xhieda. “Fl-arena politika jingħad ħafna affarijiet u naċċettahom, imma li l-allegazzjoni li jien kriminali ma nistax naċċetta. “
L-implikazzjonijiet huma kbar, mhux biss fuq il-politika iżda wkoll bħala professjonist legali. Dan huwa t-tieni libell li qatt ippreżentajt. Nixtieq nifhem xi jfisser li jgħoddni bħala kriminali, meta jien qatt ma nstabt ħati ta’ xi reat, u minkejja l-iskrutinju eżawrjenti tal-lum, ma ħareġ xejn.
“Ħadt azzjoni biex inħassar ismi għax mhux veru u qed jiġi ripetut illum ukoll. Ir-rapport Egrant isemmi preżentazzjoni magħmula minn Konrad Mizzi dwar xogħol partikolari bejn iċ-Ċina u Malta. Naf daqs kull ċittadin ieħor dwar dan. Li Azzopardi jipprova jżeffini fin-nofs, le – din hija invenzjoni mill-bidu sat-tmiem,” iddeffendu ruħu Bonnici.
L-Avukat Joseph Zammit Maempel, li qed jidher għall-Avukat Azzopardi, staqsa lil Bonnici jekk jaqbilx li kiser il-Kostituzzjoni, u rrefera għal sentenza Kostituzzjonali mogħtija is-sena li għaddiet dwar l-ikklerjar matul il-lejl ta’ monument f’ġieħ il-ġurnalista maqtula Daphne Caruana Galizia, quddiem il-monument tal-Assedju l-Kbir. “Mela dan jagħmilni kriminali?” irribatta Bonnici.
Hekk kif kompla jixhed, huwa spjega li Chris Kalin kien tkellem miegħu, ma’ Keith Schembri u l-eks Prim Ministru Joseph Muscat fejn Kalin ħabbar l-intenzjoni li jressaq kawżi SLAPP kontra Caruana Galizia u Azzopardi waqt laqgħa dwar l-iskema IIP (tal-passaporti).
Huwa kien beda jkellmu dwar ix-xogħol tal-iskema u mbagħad Kalin fetħilha dwar l-istejjer ta’ ħsara tal-ġurnalisti, qal Bonnici. “Għamiltha ċara li l-ittri interpellatorji jintbagħtu l-ewwel qabel il-libelli. Jekk trid tippreżenta libell dik hija d-deċiżjoni tiegħek imma l-parir tiegħi hu li tippreżenta dawn l-ittri.
“Ma wrejt l-ebda interess f’din il-kawża. Is-suġġeriment huwa li ridt nikkonfoffa biex nagħmel dawn il-libelli, imma hu kellu l-opportunità li jagħmel dan u għamilha,” temm jgħid Bonnici. Il-każ ikompli fil-25 ta’ Novembru li ġej.
