Il-ġlied bejn il-qawwiet tal-Armenja u l-Ażerbajġan qed ikompli, biż-żewġ Stati avversarji mhumiex iżommu lura mill-bumbardamenti fuq iz-zoni speċifiċi. Dan bħala parti mill-kampanji militari tal-Istati rispettivi li qed jissieltu għal kontroll sħiħ fir-reġjun polemikuż ta’ Nagorno-Karabakh.
Il-belt ta’ Stepanakert, il-kapitali ta’ Nagorno-Karabakh, kienet mill-ġdid suġġetta għall-bumbardamenti qabel issir l-ewwel laqgħa għall-medjaturi internazzjonali li qed jippruvaw iwasslu lejn it-tmiem ta’ din il-gwerra.
Il-laqgħa ta’ Ġinevra (fl-Iżvizzera) għandha tinvolvi rappreżentanti tal-Ażerbajġan u diplomatiċi minn Franza, l-Istati Uniti u r-Russja li ilhom jippruvaw isibu soluzzjoni għall-konflitt ta’ Nagorno-Karabakh mis-snin disgħin.
L-Armenja rrifjutat li tibgħat rappreżentant għal-laqgħa u qed tiċħad li tiddiskuti s-sitwazzjoni mad-diplomati Ażeri dment li jkomplu l-battalji attwali.
