Bulgara ta’ 66 sena weġġgħet gravi wara li waqgħet madwar sular f’residenza fil-Gżira.
Fi stqarrija l-Pulizija spjegat li l-inċident seħħ fi Triq Carlo Manchè għall-ħabta tal-10pm tal-bieraħ. L-anzjana jidher li waqgħet minn fetħa li kien hemm fl-art tar-residenza.
Fuq il-post issejħu l-membri tal-Protezzjoni Ċivili u tim mediku li taw l-ewwel għajnuna. Il-mara ttieħdet l-Isptar Mater Dei b’ambulanza.
